ამა წლის 7 მაისს ისრაელში საქართველოს საელჩოს ორგანიზებით  ჩატარდა შეხვედრა იერუსალიმის პატრიარქ თეოფილე lll სთან ,სადავ  აქტიურ მონაწილებას  იღებდნენ ისრაელში მცხოვრები ქართველები  მათ შორის პატრიარქის ჩოხოსნები. 

ღონისძიება  ქართული მრავალჟამიერით დაიწყო , პატრიარქს მიულოცეს  აღდგომის ბრწყინვალე დღესასწაული, იგალობეს  ქართული საგალობლები და საჩუქრად გადასცეს იერუსალიმის ჯვრის მონასტერში მოღვაწე   სამი წმინდა მამის აღმშენებელი პროხორე ქართველის,ნიკოლოზ დვალის და ლუკა იერუსალიმელის ხატი.  პატრიარქმა თეოფილე III -მ  დალოცა სტუმრები. 

პატრიაქის ჩოხოსნთა საზოგადოების ისრაელის სადროშო მადლობას უხდის  საქართველოს საგანგებო და სრულუფლებიან ელჩს ისრაელის სახელმწიფოში ბატონ ლაშა ჟვანიას ქვეყნისა და ეკლესიის ერთგულებისთვის.